Koronavirusning kelib chiqishini tekshirish uchun Xitoyga borgan JSST mutaxassislari karantindan chiqishdi
COVID-19ning kelib chiqishini tekshirish uchun Xitoyga kelgan JSST xalqaro ekspertlari karantindan chiqishdi, dedi Xitoy TIV rasmiy vakili Chjao Litszyan.
COVID-19ning kelib chiqishini tekshirayotgan JSST xalqaro ekspertlar guruhi 14-yanvar kuni Xitoyning Uxan shahriga yetib kelishdi. Mutaxassislar majburiy 14 kunlik karantinga joylashtirildi.
«JSST xalqaro ekspertlar guruhining o‘n to‘rt kunlik karantini bugun nihoyasiga yetdi. Endi ular virus kelib chiqishi borasida hamkorlik qilish uchun Xitoy tomoni bilan ishlashni davom ettiradi», — dedi Chjao Litszyan brifingda.
U JSST mutaxassislari simpoziumlarda, shuningdek, joylarda o‘tkaziladigan turli tadbirlarda ishtirok etishiga aniqlik kiritdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter