Bir kunda 33 mingdan ortiq yangi bemor! Braziliya «qora rekordlar»ni yangilamoqda
Braziliyada o‘tgan sutkada koronavirusni yuqtirgan 33 274 nafar yangi bemor aniqlandi. Bu haqda mamlakat sog‘liqni saqlash vazirligi ma’lum qildi.
Uch kundirki, Braziliyada virusni yuqtirish bo‘yicha «kunlik rekordlar» yangilanyapti: payshanba kuni — 26 417 ta holat, juma kuni — 26 928 ta holat.
Eng so‘nggi ma’lumotga ko‘ra, mamlakatda koronavirus kasalligiga chalinganlar jami soni 499 966 nafarga yetdi — salkam yarim million nafar.
Sutka davomida vafot etganlar soni ham ko‘payib 956 nafarni tashkil etib, pandemiya boshlanganidan beri 28 849 nafarga yetdi. Tuzalib ketganlar — 200 ming nafar.
Braziliya koronavirusni yuqtirish holatlari bo‘yicha dunyoda ikkinchi o‘rinda turibdi, birinchi o‘rinda — AQSh.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter