Yana talon-torojlik. Bu safar Namanganda...
Namangan tumani Aholi bandligiga ko‘maklashish markazi mansabdorlari 216,2 mln. so‘m budjet mablag‘lari talon-toroj qilinganligi aniqlandi. Bu haqda «Xabar.uz»ga Bosh prokuratura matbuot xizmati ma’lum qildi.
Unga ko‘ra, markaz mansabdor shaxslari ish so‘rab murojaat qilmagan va ishsizlar ro‘yxatiga kiritilmagan 204 nafar fuqaroni go‘yoki jamoat ishlariga jalb etilganligi haqida soxta hujjatlar tuzish orqali qayd etilgan miqdordagi mablag‘larni talon-toroj qilib yuborishgan.
Holat yuzasidan o‘zlashtirish (JK, 167-modda) va mansab soxtakorligi (JK, 209-modda) alomatlari bilan jinoyat ishi qo‘zg‘atilgan. Tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter