Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Termiz shahrida yangi madrasa ochildi

Termiz shahrida yangi madrasa ochildi

Foto: «Muslim.uz»

Surxondaryo viloyati Termiz shahrida «Imom Termiziy» o‘rta maxsus islom ta’lim muassasasi ochildi. Bu haqda O‘zbekiston musulmonlari idorasi (O‘MI) saytida xabar qilindi.

Yangi diniy ilm dargohi davlatimiz rahbarining 2019 yil 17-18 oktyabr kunlari Surxondaryo viloyatiga tashriflari davomida bergan topshiriqlari ijrosi yuzasi o‘laroq tashkil etilgan.

Qayd qilinicha, ushbu ta’lim muassasasi O‘zbekiston musulmonlari idorasi tasarrufidagi diniy ta’lim maskani bo‘lib, o‘rta maxsus diniy ma’lumotli islom shariati va hadis ilmlari mutaxassisi, imom-xatiblar tayyorlanadi.

Mazkur ta’lim muassasasiga 2020-2021 o‘quv yili uchun abituriyentlar qabul imtihonlari asosida o‘qishga qabul qilinadi. Abituriyentlardan hujjat qabul qilish 2020 yilning 15 iyundan boshlab onlayn shaklda amalga oshirilishi rejalashtirilmoqda.

Ta’lim muassasasiga umumiy o‘rta ta’lim (11-sinf negizida) yoki o‘rta maxsus, kasb-hunar ta’lim muassasasini tugatganligi haqida hujjat (diplom)ga ega bo‘lgan fuqarolar qabul qilinadi.

Kirish imtihonlari o‘tkazishning tasdiqlangan tartibi va qabul jarayonlariga oid ma’lumotlar O‘zbekiston musulmonlari idorasining muslim.uz sayti va boshqa ijtimoiy tarmoqlar sahifalari orqali berib boriladi.

«Yurtimizda yana bir diniy ta’lim muassasasi tashkil etilishi xalqimizga, ayniqsa, vohaliklarga juda katta Ramazon tuhfasi bo‘ldi, Alloh taolo ushbu madrasani muborak aylasin!» deyiladi O‘MI xabarida.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring