Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Surxondaryo viloyati hokimiga yangi o‘rinbosar tayinlandi

Surxondaryo viloyati hokimiga yangi o‘rinbosar tayinlandi

Xidirov Alisher Bo‘riyevich Surxondaryo viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimiga tayinlandi.

A.Xidirov 1982-yili Termiz tumanida dunyoga kelgan. 2004-yili Toshkent temir yo‘l muhandislari institutini, 2009-yili Toshkent moliya institutini tamomlagan. Ma’lumoti bo‘yicha mutaxassisligi – qurilish muhandisi, buxgalteriya hisobi, audit.

Alisher Xidirov faoliyati davomida «Temiryo‘lloyiha» aksiyadorlik jamiyati texnigi, muhandisi, «O‘zbekiston temir yo‘llari» aksiyadorlik jamiyati kapital qurilish direksiyasi qurilish bo‘yicha muhandis-texnologi, «O‘ztemiryo‘lmashta’mir» sho‘’ba korxonasi hisobchisi, qurilish bo‘limi muhandis-texnologi, «O‘ztemiryo‘lkonteyner» aksiyadorlik jamiyati qurilish boshqarmasi boshlig‘i lavozimlarida mehnat qilgan.

Bunga qadar 2015-yildan Kasaba uyushmalari federatsiyasi tasarrufidagi «Kasaba qurilish taʼmir» sho‘’ba korxonasi direktori vazifasida faoliyat yuritayotgan edi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring