Shirin shahri hokimi va sektor rahbarlari ishdan olindi
Bugun, 2-oktyabr kuni Xalq deputatlari Shirin shahar kengashining navbatdan tashqari sessiyasi bo‘lib o‘tdi. Bu haqda «Xabar.uz»ga Sirdaryo viloyati hokimligi axborot xizmati xabar berdi.
Sessiyada viloyat hokimi G‘ofurjon Mirzayev, O‘zbekiston Respublikasi Prezidenti Administratsiyasi sho‘’ba mudiri Abdulla Tursunov va boshqalar ishtirok etishdi.
Viloyat hokimi G‘ofurjon Mirzayev so‘zga chiqib, shaharda olib borilayotgan islohotlar, ijtimoiy-iqtisodiy holatga tanqidiy baho berdi.
Sessiyada tashkiliy masala ko‘rilgan. Bunda to‘rtta sektor rahbarlari faoliyatiga baho berilib, deputatlar orasida muhokama qilindi.
Shu vaqtga qadar Shirin shahar hokimi bo‘lgan Ilhom Begaliyev faoliyatida yo‘l qo‘yilgan kamchiliklari uchun egallab turgan lavozimidan ozod etildi.
Shuningdek, shahar sektorlari rahbarlari ham ishdan olingan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter