Prezident yangi qurilayotgan DXX akademiyasi va Temurbeklar maktabiga bordi
Prezident Shavkat Mirziyoyev 16-oktyabr kuni Davlat xavfsizlik xizmati akademiyasi va Temurbeklar maktabining qurilish jarayonini ko‘zdan kechirdi.
Maktab uchun o‘quv korpusi, yotoqxona, oshxona barpo etilmoqda, akademiyaning mavjud binolari rekonstruksiya qilinmoqda. Majmuada, shuningdek, jismoniy-harbiy mashg‘ulotlar maydoni, stadion, avtodrom, plats va boshqa ob’yektlar bo‘ladi.
Temurbeklar maktabi tarix fani va xorijiy tillarga ixtisoslashgan bo‘lib, unda 200 nafar yosh saboq oladi.
Shu yerda mazkur ta’lim maskaniga bolalarni saralash va o‘qitish tizimi haqida ma’lumot berildi. Davlatimiz rahbari yosh avlodni vatanparvarlik ruhida tarbiyalash, o‘quvchilarga yurtimiz tarixi va o‘zbek tilini chuqur o‘rgatish, darslarga har bir fan bo‘yicha yetakchi pedagoglarni jalb etish muhimligini ta’kidladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter