Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

«Jurnalist va blogerlardan xursandman» – Prezident

«Jurnalist va blogerlardan xursandman» – Prezident

Foto: Prezident matbuot xizmati

Prezident Shavkat Mirziyoyev sog‘liqni saqlash masalalariga bag‘ishlab o‘tkazilayotgan yig‘ilishda jurnalist va blogerlar faoliyati haqida ham gapirdi.

«Men tizimdagi muammolarni ko‘tarib chiqayotgan, yoritib berayotgan jurnalist va blogerlardan xursandman. Aynan ular ko‘plab muammo va qilinayotgan ishlarni yoritib berishmoqda.

Albatta, bu masalalar oddiy tilda aytganda evi, tasdig‘i bilan bo‘lishi kerak. Ular odatda ko‘p masalalarni o‘zi o‘qigan, ya’ni rivojlangan davlatlar bilan solishtirishadi. Lekin ular shuni ham tushunishlari kerakki, bizda ochiqlik siyosatiga endi 3 yil bo‘ldi. Jurnalist va blogerlar solishtirayotgan davlatlarning erkinligiga esa 300 yil bo‘lgan.

Biz albatta shu davrlarga ham yetamiz. Ular o‘zimizga munosib masalalarni yoritishda qo‘rqmasligi kerak», deya prezidentning so‘zlarini keltirmoqda Kun.uz muxbiri.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring