IIVning rahbar xodimlari lavozimidan chetlatildi
Ichki ishlar vaziri o‘rinbosari Muhiddin Jo‘rayev hamda IIV Qorovul qo‘shinlari qo‘mondoni Dmitriy Pan lavozimidan ozod qilindi.
18-noyabr kuni prezident Shavkat Mirziyoyev bu haqdagi qarorni imzoladi, deya xabar qilgan «Gazeta.uz»ning hukumatdagi axborot manbasi.
19-noyabr kuni bo‘lib o‘tgan yig‘ilishda lavozimidan ozod qilish to‘g‘risidagi hujjatni mamlakat bosh vaziri Abdulla Aripov o‘qib bergan.
Muhiddin Jo‘rayev 2018-yil dekabri oxirida ichki ishlar vaziri o‘rinbosari lavozimiga tayinlangan edi. Avval u Sirdaryo viloyat IIB boshlig‘i (2016−2018-yillar) hamda Toshkentning Mirzo Ulug‘bek tumani IIB boshlig‘i (2014−2016) lavozimlarida faoliyat ko‘rsatgan.
IIVning boshqa mas’ul xodimlarining ham lavozimlaridan chetlashtirilgani haqidagi xabarlar kelib tushmoqda. Nashr ayni vaqtda faqatgina IIV Qorovul qo‘shinlari qo‘mondoni general-mayor Dmitriy Valerevich Panning lavozimdan ozod qilinganini tasdiqlata olgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter