Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

IIV xodimlari Oqqo‘rg‘on bozorida ayollarni nima uchun qo‘lga oldi? (video)

IIV xodimlari Oqqo‘rg‘on bozorida ayollarni nima uchun qo‘lga oldi? (video)

Foto: Videolavhadan skrinshot

Bugun ijtimoiy tarmoqlarda Oqqo‘rg‘on tumani markazidagi dehqon bozorida sodir bo‘lgan holat bo‘yicha videolavha tarqaldi. Toshkent viloyati hokimligi vaziyat yuzasidan rasmiy axborot berdi.

Vaziyat ichki ishlar organlari hamda hokimlik mas’ullari tomonidan qat’iy nazoratga olingan. Organ xodimlari va savdogarlar o‘rtasidagi bahsli holat bo‘yicha tuman hokimligi mas’ullari ishtirokida maslahatlashuv o‘tkazildi.

Mazkur voqea 2019-yil 14-vgust kuni bo‘lgan. Kunduzi 11:00 da «Oqqo‘rg‘on Dehqon bozori» MChJ hududiga A.Navoiy ko‘chasi tomonidan kirish qismida, tuman hokimining 1836-sonli «Oqqo‘rg‘on shahri Birlik MFY A.Navoiy ko‘chasi hududidagi bo‘sh turgan yer maydonida fuqaro Qurbonov Davron Ergashevich tomonidan ikki qavatli savdo va maishiy xizmat ko‘rsatish majmuasi qurilishi uchun ruxsat berish» to‘g‘risidagi Qarori asosida qurilish ishlarini boshlash uchun ustalar ish boshlagan.

Bozorga kirish yo‘li devor bilan berkitilayotgan vaqtda, shu yerda poliz ekinlari va oziq-ovqat mahsulotlarini sotish bilan shug‘ullanayotgan ayollar qurilayotgan devor o‘zlarining savdosiga xalaqit qilishini aytib, qurilishni to‘xtatishni talab qilishgan.

Ma’lumot o‘rnida aytish joizki, bu joy bozorning asosiy kirish yo‘lagi emas, balki orqa tomonidir. Qolaversa, rasman bozor darvozasi ham emas. Bu yerdagi «yoymachilar» (savdo rastalarida emas, yerda, ko‘chalarda savdo qiluvchilar) tufayli hududda avtomashinalar tirbandligi vujudga kelgan. Piyodalar o‘tish joyida yo‘l-transport hodisasi tez-tez uchrab turadi. Shu bois ham mazkur norasmiy darvoza (bozorning chiqish yo‘lagi) qurilishi rejalashtirilgan.

Tushuntirishlarga qaramay, 5 nafar savdogar ayol (ularning ism-familiyasini etika yuzasidan nomma-nom keltirishni joiz ko‘rmadik) baqir-chaqir qilib, atrofdagilar e’tiborini o‘ziga qaratib, quruvchi ustalar va bozor rahbarini ham haqorat qilib, ko‘plashib qurilayotgan devorni buzib tashlagan.

Shundan so‘ng voqea joyiga tezkor-tergov guruhi IIB huzuridagi Tergov bo‘limi tergovchisi katta leytenant I.Raimov, IIB JQB tezkor vakili mayor E.Arslonov, IIB HPB TP profilaktika inspektori katta leytenant O‘.Tursunov, IIB EKG eksperti kapitan A.Mirzaliyev va YHXB inspektori serjant S.Jumayevlar yetib borib, holat yuzasidan tegishli hujjatlarni qonuniy, o‘rnatilgan tartibda rasmiylashtirish vaqtida xodimlarning qonuniy talablariga bo‘ysunmagani sababli, to‘plangan hujjatlarni tuman IIB Navbatchilik qismidagi ShAKL-2 kitobiga 703-son bilan qayd qilib, holat yuzasidan tergovga qadar tekshiruv ishlari boshlangan.

Tuman hokimi, hokimning o‘rinbosari, xotin-qizlar qo‘mitasi raisi Gulnora Abdunajimova voqea joyida bo‘lib, xotin-qizlar bilan suhbatlashgan. Ular ayni paytda kundalik ishlari bilan mashg‘ul.

Vaziyat bo‘yicha yaqin vaqtlarda batafsil axborot beriladi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring