Harbiylar tog‘dagi ekstremal sharoitda maxsus vazifani bajardi (foto)
Markaziy harbiy okrug bo‘linmasi Jizzax viloyatidagi tog‘li hududlarda va sun’iy jihozlangan dushman ob’yektida maxsus mashqlarni bajardi. Bu haqda Xabar.uz’ga harbiy jurnalist G‘ayrat Madrahimov ma’lum qildi.
Dastlab, bo‘linma shaxsiy tarkibi harbiy texnikada notanish bo‘lgan tog‘li hududga olib kelindi. Birinchi galda harbiy xizmatchilar tomonidan o‘zlari turgan joy va shartli dushman ob’yektigacha bo‘lgan masofa va yo‘nalish aniqlab olindi. Suvli to‘siqdan o‘tish vaqtida bo‘linma uchta kichik guruhga bo‘linib, harakatlandi. Shovqinsiz, imo-ishoralar va shartli signallar orqali hamda talofatsiz belgilangan vaqtda marraga yetib borgan shaxsiy tarkib ikkinchi bosqich mashg‘ulotiga jalb qilindi.
Muntazam tayyorgarlikka ega harbiylar sun’iy jihozlangan dushman ob’yektida harakatlanib, qurolli bosqinchilar bilan yaqin masofada jang olib borildi. Komandir bo‘linmani jangovar ikkilik va uchlikka ajratdi. Ular otish pozitsiyalarini o‘zgartirib, tezkor va chalg‘ituvchi taktik harakatlar bilan shartli dushmanni qarshi oldi.
Oldindagi asosiy vazifa begunoh asirlarni qutqarish va to‘satdan paydo bo‘lgan xavfning oldini olish bo‘ldi. Maxsus mashqlarni bajarish davomida ko‘p yillik xizmat tajribasiga ega bo‘lgan ofitser va serjantlar rahbarlik qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter