Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Surayyo Rahmonova: «Jabrlanuvchining arizasi shart, aks holda...»

Surayyo Rahmonova: «Jabrlanuvchining arizasi shart, aks holda...»

Foto: «Nuz.uz»

Ijtimoiy tarmoqlarda xorazmlik bir erkakning o‘ziga yaqin (hamma ma’noda!) ayolni avtoulovda kiyimsiz holatda uyali aloqa vositasida tasvirga olgani, bu lavha internetga chiqib ketgani-yu pirovardida unga (erkakka) nisbatan jinoyat ishi qo‘zg‘atilmasligi haqidagi xabarlar bir necha kundan buyon qattiq muhokama qilinmoqda.

Ayni holat yuzasidan Bosh prokuratura tegishli bayonot bergan bo‘lsa-da, holatning huquqiy jihatlari xususida kengroq tasavvur berishga ehtiyoj borday. Chunki, ko‘rib-bilib turibmiz: el og‘ziga elak tutib bo‘lmayapti.

Alqissa, ushbu holat bo‘yicha ommaviy-axborot vositalariga ma’lumot beraverib-beraverib charchamayotgan Bosh prokuratura matbuot xizmati rahbari Surayyo Rahmonovani yana bezovta qilishga to‘g‘ri keldi.

Adliya kichik maslahatchisi, ming ensasi qotmasin, bosiqlik bilan «Xabar.uz»ga quyidagilarni aytdi: «...Avval ma’lum qilganimizdek, ayni holat bo‘yicha Bog‘ot tuman IIB tomonidan tergovga qadar tekshirish o‘tkazilib, shu yilning 23-fevralida Jinoyat protsessual kodeksining 83-moddasi 2-bandi va 325-moddalariga asosan jinoyat ishi qo‘zg‘atish rad qilingan. Nega? Chunki, fuqaro S.S. (ayol kishi) erkakka nisbatan hech qanday da’vosi yo‘qligi, u bilan 2017-yildan buyon yaqin munosabatda bo‘lib kelayotganligini ko‘rsatib, tuman IIB boshlig‘i nomiga tekshirish harakatlarini to‘xtatishni so‘rab ariza bilan murojaat qilgan. Alohida ta’kidlayman: bu kategoriyadagi jinoyat jabrlanuvchining arizasini talab etadi. Jabrlanuvchi buni xohlamayotgan ekan, na chora, bu – uning huquqi, munozaraga o‘rin yo‘q. Masala inson shaxsiy hayotiga dohil ekan, uning (fuqaroning) roziligisiz hech kim aralasha olmaydi. Bunga qonunan izn yo‘q.

Afsuski, jamiyatimizda sha’ni va qadr-qimmatini oyoq osti qilgan insonlar yaqinlari bo‘lganligi sababli, jabr ko‘rgan ayollarning o‘zi zulmkorni oqlash tendensiyasi hali hanuz nihoyatda katta».

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring