Qarshida soliq inspektori pora bilan qo‘lga tushdi
Qarshi tumani Davlat soliq inspeksiyasi (DSI) katta inspektori pora bilan qo‘lga tushgani aytilmoqda. Ayni xabarni huquqni muhofaza qiluvchi organdagi manbamiz tasdiqladi.
Aytilishicha, DSI katta inspektori B.X. bir fuqaroning qonunchilikda taqiqlanmagan faoliyat turi bilan davlat ro‘yxatidan o‘tmasdan, yashash uyi yordamchi xonasida savdo do‘koni tashkil qilib, oziq-ovqat mahsulotlari savdosi bilan shug‘ullanganini aniqlaydi. So‘ng undan mahsulotlarini musodara qilmaslik evaziga 500 ming so‘m pora talab qiladi. Talab qilgan pulni olayotgan paytda esa tegishli organ xodimlari tomonidan ashyoviy dalil bilan ushlanadi.
Holat bo‘yicha 210-moddasi («Pora olish») bilan jinoyat ishi qo‘zg‘atilgan. Tergov harakatlari o‘tkazilmoqda.
Gumondorga nisbatan qanday shakldagi ehtiyot chorasi qo‘llangani haqida ma’lumot hozircha yo‘q.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter