Android qurilmalar uchun Xabar.uz mobil ilovasi. Yuklab olish ×
IOS qurilmalar uchun Xabar.uz mobil ilovasi. Yuklab olish ×

Sobiq MXXchi Nodir To‘raqulov va uning qudasiga tegishli «zapravka»ga yangi ega chiqdi

Sobiq MXXchi Nodir To‘raqulov va uning qudasiga tegishli «zapravka»ga yangi ega chiqdi

Foto: xabar.uz

O‘zbekiston Respublikasi Harbiy sudining tegishli hukmiga ko‘ra, sobiq MXX xodimi N.To‘raqulov va uning qudasi E.Norqobilov tomonidan jinoiy faoliyatidan olingan daromadlarni legallashtirish orqali orttirilgan mulklar birin-ketin sotuvga quyilayotgani haqida xabar bergandik.

Avvalroq E.Norqobilovga tegishli «Jarqo‘rg‘on-Servis-Texnika» MChJning  Sho‘rchi tumanida joylashgan «Avtomobillarga texnik xizmat ko‘rsatish hamda ko‘p tarmoqli yoqilg‘i quyish shahobchasi» auksion savdoda sotilgani haqida ma’lum qilingandi.

So‘ng qudalarga tegishli yana bir mulk — «Surxon-Angor-Servis-Texnika» MChJ balansidagi Boysun tumanida joylashgan «Avtomobillarga siqilgan gaz quyish kompressor stansiyasi» onlayn auksion savdosiga qo‘yildi.

Mazkur ob’yekt 14 milliard 420 million 239 ming so‘m boshlang‘ich narx bilan 24-sentyabr kuni savdoga chiqarilgandi. Biroq 11 oktyabr kuni bo‘lib o‘tgan auksionda xaridor topilmaganligi sabab 30 oktyabr kuni takroran savdoga qo‘yildi.

Majburiy ijro byurosi Surxondaryo viloyat boshqarmasi xabar berishicha, nihoyat ushbu auksion savdolarida «zapravka» 5 milliard 304 million 445 ming so‘mga sotilib, tushgan pul mablag‘lari davlat daromadiga yo‘naltirilgan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring