Xabarlar tezkor Telegram kanalimizda Obuna bo'lish ×

Farg‘onada kollej direktorini «shantaj» qilgan shaxs ushlandi

Farg‘onada kollej direktorini «shantaj» qilgan shaxs ushlandi

Illyustrativ foto

Rishton tumani politexnika kasb-hunar kolleji direktori A.R.ga nisbatan tovlamachilik qilgan shaxs qo‘lga olindi. Bu haqda Bosh prokuratura matbuot xizmati ma’lum qilmoqda.

Unga ko‘ra, fuqaro N.I. o‘ziga mazkur kollejni tamomlagani haqida soxta diplom tayyorlab berganini tasdiqlovchi audioyozuvni «tegishli joyga» taqdim etish bilan qo‘rqitib, direktordan 500 AQSh dollari talab qiladi. Direktor esa talabga roziligini bildirib, amalda esa undan avval o‘zi tegishli joyga murojaat qiladi. Natijada N.I. Bosh prokuratura huzuridagi departamentning Farg‘ona viloyati boshqarmasi xodimlari tomonidan o‘tkazilgan tadbirda daliliy ashyolar bilan qo‘lga olinadi.

Ayni paytda N.I.ga ham, kollej direktoriga ham jinoyat ishi qo‘zg‘atilgan. Biri tovlamachilik, ikkinchisi mansabdorlikka oid ayblov bilan tergov qilinmoqda. Jinoyat ishi hademay sudga oshiriladi.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring