Xabarlar tezkor Telegram kanalimizda Obuna bo'lish ×

DXX Samarqandda katta miqdordagi giyohvand moddalar savdosiga chek qo‘ydi

DXX Samarqandda katta miqdordagi giyohvand moddalar savdosiga chek qo‘ydi

DXX Samarqand viloyati boshqarmasi xodimlari tomonidan olib borilgan tezkor tadbirlar natijasida Urgut tumanida yashovchi, 1987-yilda tug‘ilgan Bahrom Aliqulovning xonadoni yerto‘lasidan sotish maqsadida yashirib qo‘yilgan 4 kg. 635 gr. «opiy» moddasi topildi, deb xabar bermoqda O‘zA.

Aniqlanishicha, ushbu og‘u Bahrom Aliqulovning ukasi 1997-yilda tug‘ilgan Hasan Shukurovning Tojikiston Respublikasi So‘g‘d viloyati Panjikent tumanida yashovchi tanishi «Rajab» ismli shaxs tomonidan Toshkent viloyati Bekobod tumaniga kontrabanda yo‘li bilan o‘tkazilib, tegishli joyga yashirib ketilgan. O‘z navbatida Bahrom Aliqulov mazkur giyohvandlik vositasini Urgut tumanidagi yashash manziliga olib kelgan. Ushbu ishga aloqador bo‘lgan Bahrom Aliqulovning ukasi Hasan Shukurov ham hibsga olindi.

Bundan tashqari, Davlat xavfsizlik xizmati xodimlarining ichki ishlar idoralari xodimlari bilan Samarqand shahrida o‘tkazgan boshqa bir tezkor tadbiri davomida Tojikiston Respublikasi fuqarolari Uchqun Imomov hamda Doud Qarobekov 1 kg 855 gr «opiy» giyohvandlik vositasini mamlakatimizga kontrabanda yo‘li bilan olib kirib, 20 ming AQSh dollariga sotayotgan vaqtlarida qo‘lga olindi.

Aniqlanishicha, Tojikistonning So‘g‘d viloyati Panjikent tumanida yashovchi 1985-yilda tug‘ilgan Uchqun Imomov va 1983-yilda tug‘ilgan Doud Qarobekov ushbu «opiy» moddasini «VAZ-2110» rusumli avtomashinaning yoqilg‘i bakiga maxsus joylashtirib, yashirincha olib o‘tishgan.

Hozirda ushbu holatlar yuzasidan Jinoyat kodeksining tegishli moddalariga asosan jinoyat ishlari qo‘zg‘atilib, tergov harakatlari olib borilmoqda.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring