Xabarlar tezkor Telegram kanalimizda Obuna bo'lish ×

Surxondaryoda davlat ishchilari paxtaga majburlangani aniqlandi

Surxondaryoda davlat ishchilari paxtaga majburlangani aniqlandi

Mahalliy internet nashrlarida Surxondaryo viloyatining Denov tumanida fuqarolarning paxta terimiga majburiy tarzda jalb etilayotgani to‘g‘risidagi xabarlar tarqalgandi. Voqea ishtirokchilarining aksariyati o‘z xohishiga ko‘ra paxta dalasida ekanini ta’kidlasa-da, Davlat mehnat inspeksiyasining o‘rganishlari majburiy mehnatga jalb etilganlik holatlari kuzatilganini ko‘rsatgan.

Denov telekommunikatsiya bog‘lanmasi ishchisi bilan suhbat jarayonida u majburiy mehnatga jalb etilmagani, o‘z xohishiga ko‘ra terimga chiqqanini aytgan. Mazkur tashkilot rahbarlari ham uning so‘zlarini tasdiqlagan.

Biroq xodimlarning qayd daftarida bu fuqaro va uning ikki hamkasbi 25-sentyabr kuni paxta terimiga yuborilgani bayon qilingan. Mazkur hujjat asosida Denov telekommunikatsiya bog‘lanmasi boshlig‘i B.Mengliyevga Ma’muriy javobgarlik to‘g‘risidagi kodeksning 51-moddasi 1-qismida ko‘rsatilgan miqdorda jarima belgilangan.

Denov tumani chorvachilikni rivojlantirish va veterinariya bo‘limi boshlig‘i A.Xalilov ham qo‘lostidagi ishchilarini paxta terimiga jalb qilgan. Shu sababdan unga ham Ma’muriy javobgarlik to‘g‘risidagi kodeksning 51-moddasi 1-qismida ko‘rsatilgan miqdorda jarima belgilangan.

Davlat mehnat inspeksiyasining o‘rganishlari Denov tumani Madaniyat bo‘limi xodimlarining paxta terimiga jalb qilinmaganini ko‘rsatgan. Ma’lum bo‘lishicha, ular 30-sentyabr kuni “O‘qituvchi va murabbiylar kuni” munosabati bilan terimchilar uchun konsert dasturini uyushtirgan.

Shu kuni Denov tumani Obodonlashtirish boshqarmasi xodimlari ham paxta terimiga jalb qilinmagan. 30-sentyabr kuni ular o‘ziga biriktirilgan hududda o‘z faoliyati bilan shug‘ullangan.

Izohlar 0

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring