Marg‘ilondagi qotillik. Bosh prokuratura ma’lumot berdi
Marg‘ilonda sodir etilgan qotillik jinoyati bo‘yicha Bosh prokuratura ma’lumot berdi.
Mahkama matbuot xizmati rahbari Hayot Shamsutdinovga ko‘ra, shu yilning 15-oktyabr kuni 10:00larda Farg‘ona viloyati, Marg‘ilon shahri markazida joylashgan «Oygul» savdo majmuasida fuqaro S.T. (1999-y.t. ishchi) tanishi X.M. (1995-y.t., tadbirkor) va uning 3 nafar qarindoshlari bilan o‘zaro janjallashib qoladi. Buning natijasida S.T. oshxona pichog‘ini X.M.ning ko‘krak sohasiga bir marotaba urib, umriga zomin bo‘ladi.
Mazkur holat yuzasidan Marg‘ilon shahar prokuraturasi tomonidan JKning 97-moddasi 1-qismi (qasdan odam o‘ldirish)bilan jinoyat ishi qo‘zg‘atilgan.
Ayni paytda S.T. protsessual tartibda ushlangan. Tergov harakatlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter