«UzAuto Motors»ning yangi mashinalari egasiga yetmasdan pachoqlandi
UzAuto Motors kompaniyasi tomonidan ishlab chiqarilgan yangi yengil avtomobillarni olib ketayotgan avtovoz avariyaga uchradi. «Gazeta.uz»ning «O‘zavtosanoat» axborot xizmatiga tayanib xabar berishicha, hodisa 24-oktyabr kuni Buxoro viloyatidagi A-380 trassasida, Gazli shahri yaqinida sodir bo‘lgan.
Qayd etilishicha, UzAuto Motorsning Urganch shahridagi dilerlik markaziga 5 ta Cobalt va 3 ta Nexia olib ketayotgan vaqtida «KamAZ» yuk mashinasi uning tirkamasi avtovozga urilgan.
Surishtiruvlar davomida aniqlanishicha, «KamAZ» haydovchisi uxlab qolishi oqibatida boshqaruvni yo‘qotgan va oqibatda avtomobillarga shikast yetgan.
Endi YTH oqibatida jiddiy zarar yetgan UzAuto Motors avtomobillari zavodga utilizatsiya qilish uchun yuboriladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter