Hindistonning Yamunanagar shahri (Xaryana shtati)da yashovchi Akash ismli yigitchaga 22-tavallud ayyomida otasi ajoyib sovg‘a keltirdi — 3-seriyali yap-yangi «BMW». Akash quvonganidan o‘zini qo‘yishga joy topolmay qolgandir-da deb o‘ylasangiz, chuchvarani xom sanagan bo‘lasiz.

Otasining erkasi deb shunaqalarni aytishsa kerak-da: Akashga mashina yoqmadi, unga «yaguar» kerakmish. Bu mashina o‘zi va do‘stlari uchun «torlik» qilarkan. Xullas, arzanda shunchalik ranjidiki, mashinani haydab borib, shundoqqina oqib o‘tayotgan daryoga oqizib yubordi... U yerda yashovchilar bunaqa mashinani hatto orzu ham qilishmaydi, haqiqiysini esa birinchi marta daryoda ko‘rishdi...

Denied Jaguar, Haryana youth pushes BMW into river#HARYANA: Gifted a BMW by his parents instead of a Jaguar that he was demanding, a youth from Haryana’s Yamunanagar on Friday pushed his new car into a swollen river in a fit of anger, police said. pic.twitter.com/puqtMefPyv

— Jehlam Times (@Jehlamtimes) 10 avgusta 2019 g.

Albatta, bir to‘da bekorchilar fursatni boy bermay mashinani qutqarishga, qayiqqa tros bilan bog‘lab suvdan tortib chiqarishga urinib ko‘rishdi. Ammo mashina saloni suvga to‘lib bo‘lgach, u xuddi xayrlashmoqchi bo‘lgandek oxirgi marta to‘rtta yettilik raqamini ko‘rsatdi-yu, suv ostiga cho‘kib ketdi.

#Watch: A youth from Haryana’s Yamunanagar on Friday pushed his new car into a river in a fit of anger because he did not like the gift he received from his parents. His gift was a BMW. pic.twitter.com/6iasmzikZd

— Tauseef Sheikh (@tauseefjourno) 9 avgusta 2019 g.

Keyinchalik mashinani sayozlikda loyqaga qorishib yotgan holda topishdi. Bunaqa mashina (yangisi) Hindistonda 3,5 million rupiya (44 000 yevro atrofida) turadi. «BMW qotili»ni noshud farzand, otasining arzandasi deb koyiganlar ham bo‘ldi. Do‘stlari ham uning qilig‘ini oqlashmadi.

Voqea joyiga yetib kelgan politsiya ish ochib ham o‘tirmadi, chunki bu — «oilaviy ish».

Ota esa o‘zini ayblamoqda, o‘g‘li aytgan «yaguar»ni sotib olishga puli yetmapti...