Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Шуҳрат Содиқов «NEC» компанияси раҳбари билан учрашди

Шуҳрат Содиқов «NEC» компанияси раҳбари билан учрашди

Фото: «Mitc.uz»

Бугун, 4 октябрь куни Япония пойтахти Токио шаҳрида Ўзбекистон Республикаси ахборот технологиялари ва коммуникацияларини ривожлантириш вазири Шуҳрат Содиқов Япониянинг «NEC» компанияси раҳбари Нориҳико Ишигуро билан учрашди.

Учрашувда «NEC» корпорацияси билан ўрнатилган узоқ йиллик самарали ҳамкорлик, жумладан, Ўзбекистонда телекоммуникация тармоғи ва телерадиоэшиттириш тизимини рақамлаштиришга қаратилган лойиҳаларнинг аҳамияти таъкидлаб ўтилди.

Мулоқот давомида Япония халқаро ҳамкорлик банки (JBIC), ушбу мамлакатнинг тижорат банклари кредит маблағлари ҳисобидан амалга оширилаётган «Маълумотлар узатишнинг магистрал ва мултисервис тармоғини кенгайтириш» (DWDM) инвестиция лойиҳаларининг амалий жиҳатлари муҳокама этилди. Шунингдек, замонавий телекоммуникация ва ахборот технологияларини татбиқ этишнинг истиқболли лойиҳалари бўйича фикр алмашилди.

Учрашув якунида Ўзбекистонда маълумотларни сақлаш ва қайта ишлаш марказларини яратиш бўйича тажриба алмашиш ва ҳамкорлик қилиш юзасидан тегишли ишларни олиб боришга келишилди.

Фото: «Mitc.uz»

Шу билан бирга АКТ вазири Шуҳрат Содиқов «NEC» компаниясининг кўргазма залига ҳам ташриф буюрди ҳамда янги технологиялар ва уларни ҳаётга татбиқ этиш бўйича энг сўнгги ечимлар билан танишди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг