«Ўзбектелеком» АК бугун, 25 февралдан бошлаб, жисмоний шахслар учун «UNLIM» сериясида янги чекловсиз тариф режаларини тақдим этди.

«Ҳали ҳеч қачон чекловсиз, кафолатланган ва юқори тезликка эга тариф режалари бунчалик арзон ва қулай бўлмаганди», дейилади компания хабарида.

Абонентлар 1 мартдан бошлаб қуйидаги учта: UNLIM 4, UNLIM 10 ва UNLIM 20 тариф режаларидан бирига уланиши мумкин. Янги тарифлар 25 февралдан фойдаланишга топширилмоқда.

Тарифлар номидаги рақамлар тақдим этиладиган хизматлар тезлиги: мос равишда 4, 10 ва 20 Мбит/с. эканини кўрсатади. Бунда чекланмаган трафик «гача» қўшимчасисиз тақдим этилади.

Фақат ушбу тарифларда технологик чекловлар мавжуд. ADSL технологияси бўйича уланган мижозлар 4 Мб/с. дан ошмаган тезлик ва фақатгина мазкур сериядаги UNLIM 4 тариф режасига улана олади.

VDSL ёки FTTx технологиялари бўйича уланган абонентлар UNLIM 10 ва UNLIM 20 тариф режаларидан фойдалана олишади. Мазкур тарифларнинг яна бир афзаллиги сифатида TAS-IX тармоғидаги ресурсларга уланиш тезлиги 40 Мбит/с.ни ташкил этиши қайд этилган.

2019 йил 5 мартдан бошлаб, қуйидаги тариф режаларига ўтиш ва янгидан уланиш тўхтатилади:

Жисмоний шахслар учун чекланмаган тариф режалари — TEZNET 3+, TEZNET 4+, TEZNET 6+, TEZNET 9+, TEZNET 12+, TEZNET 16+, TEZNET 20+.

Жисмоний шахслар учун тунги тариф режалари — «Night Racer» ва «Night Racer +».