«Microsoft» корпорацияси ўзининг «Xiaoice» чатботини такомиллаштирди. Эндиликда у нафақат суҳбатдошининг саволларга жавоб беради, балки суҳбатни давом эттира олади ҳам, деб хабар беради «Hi-tech.mail.ru».

Овозли ёрдамчилар ва чатботларнинг инсон билан алоқасини шундай таърифлаш мумкин: «сен қаерга борсанг, мен ҳам ортингдан бораман». «Microsoft» одам билан суҳбатлашаётгани унинг гапини бўлишга ва яна суҳбатни келган жойидан давом эттиришга қодир алгоритмни яратди.

Дастурчилар ушбу алгоритмдан фойдаланган ҳолда «Xiaoice» чатботини янгилади. Сунъий суҳбатдошнинг янги версияси ўзи билан гаплашаётган одам нима демоқчи эканлигини олдиндан башорат қилиши ва суҳбатга мустақил киришиб кетиши мумкин. Дастурчиларнинг сўзларига кўра, «Xiaoice» фойдаланувчилар учун «очиқ, бироқ мулойим дўстга» айланади.

Ҳозирча сунъий интеллектнинг янги тури билан фақатгина Хитой аҳолиси суҳбатлаша олади. «Microsoft» мазкур технологияни бошқа чатботларда, жумладан, Американинг Зо ёки Япониянинг Ринна ботларида ҳам синаб кўришни режалаштирган.