«Symantec» компанияси мутахассислари «Apple» қурилмаларидаги барча маълумотларни ўчириб ташлашда фойдаланиш мумкин бўлган нуқсонни аниқлади. «Trustjacking» номини олган нуқсон «iTunes Wi-Fi» технологиясида мавжуд бўлиб, унинг ёрдамида «iOS» қурилмасининг эгаси маълумотларни жисмоний уланишни амалга оширмасдан туриб узатади, деб хабар беради «Hi-tech.mail.ru».

Тадқиқотчиларнинг маълумотларига кўра, ёвуз ниятли кимсалар қурилма Wi-Fi тармоғига уланиш учун ишлаб чиқадиган калитларни эгаллаб олишлари мумкин. Бунда синхронлаш мунтазам амалга оширилгани сабаб, ҳужум бирданига содир бўлмаслиги ҳам мумкин.

Бу орқали эса смартфон ёки компютерда сақланаётган барча маълумотларга эга чиқиш, шунингдек, «қурбон»нинг барча ҳаракатларини кузатиш мумкин. Бундан ташқари ҳужум уюштирганларга дастурларни ўчириш ёки ўрнатиш имкониятини беради.

Қурилма номаълум уланишга «ишонч» билдирган ҳолда юқоридаги нуқсондан фойдаланиш мумкин бўлади. Шу сабабли янги «iPhone» гаджетларига уланишдан олдин доим «тасдиқлаш»ни бажариш лозим.