Аввал хабар берганимиздек, 16 апрелдан 18 апрелга қадар АКТ вазирлиги IT-Park ва Adrenaline Rush билан бирга FIFA ва Counter Strike:GO  бўйича киберспорт онлайн мусобақани ўтказади.

Мусобақа бутун жаҳонга машҳур FACEIT платформасида Қозоғистон Республикаси серверларида бўлиб ўтади.

Мусобақанинг биринчи куни Counter Strike:GO бўйича ўйинлар чорак финалгача давом этади, иккинчи куни эса bo3 олимпия тизими бўйича чорак финаллардан бошланади. Учинчи кун иштирокчиларни иккита Гранд финал ва учинчи ўрин учун иккита матч кутади.

ФИФА матчлари гуруҳларга бўлинади. Гуруҳлар тизими иштирокчилар сони бўйича белгиланади.

Соврин жамғармаси 60 миллион сўмни ташкил қилади!

Совринли ўринлар қуйидаги тартибда тақсимланади:

Counter Strike:GO:

1-ўрин — 25 миллион сўм;

2-ўрин — 15 млн. сўм;

3-ўрин — 10 млн. сўм.

FIFA:

1-ўрин — 5 миллион сўм;

2-ўрин — 3 миллион сўм;

3-ўрин — 2 миилион сўм.

Мусобақа ғолиблари совринларни жамоа сардори ёки ўйинчисига тегишли дебет картага маблағни ўтказиш йўли билан олишади.

Мусобақанинг марказий ўйинларини Ўзбекистон киберспорт оламида яхши танилган экспертлар: Данил «BATKA» ва Сергей «Greed» шарҳлаб борадилар.

Мусобақанинг бошланиш вақти: 16 апрель,14:00.

Мусобақа IT-Parkнинг ушбу расмий YouTube канали орқали жонли эфирга узатилади.