Хабарлар тезкор Телеграм каналимизда Обуна бўлиш ×

Элёр Ғаниев қаерда?

Элёр Ғаниев қаерда?

Фото: Fantom Foundation

2020 йил январь ойидан буён Транспорт вазири сифатида ишлаб келган Элёр Ғаниев ўтган йилнинг ёзида лавозимидан озод этилганди. 

Ўшанда унинг бошқа ишга ўтаётгани сабаб қилиб кўрсатилгани айтилса-да, Ғаниевнинг янги иш жойи номаълумлигича қолганди.

Беш йил давомида (2012—2017 йиллар) Ташқи иқтисодий алоқалар, инвестиция ва савдо вазири сифатида, 2019-2020 йилларда Бош вазир ўринбосари бўлган бўлган таниқли амалдор ўтган бир йил давомида қаерда эди?

Маълум бўлишича, Элёр Ғаниев «AG Mentors Group» компаниясини ташкил қилган ва ушбу компания яқинда Fantom Foundation билан Ўзбекистонда блокчейнни жорий этиш бўйича ҳамкорлик қилади.

«Биз Fantom Foundation Ўзбекистонга кириб келганидан хурсандмиз! Янги технологияларни жорий этиш, электрон ҳукуматни ташкил этиш ва рақамли давлат хизматлари кўрсатиш Ўзбекистон ҳукуматининг келгуси ислоҳотларида муҳим роль ўйнайди», дейди Элёр Ғаниев.

AG Mentors Group — IT, сунъий интеллект ва муқобил энергия соҳаларига ихтисослашган консалтинг компанияси ҳисобланади.

Fantom EVM-мувофиқ платформа бўлиб, aBFT консенсус протоколи асосида қурилган. Транзакциялар 1 сония ичида тасдиқланади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг