«Ювентус» футболчисида коронавирус аниқланди
Италиянинг «Ювентус» клуби ҳимоячиси Даниэле Ругани коронавирус юқтириб олди. Бу ҳақда Турин клуби расмий сайтида маълум қилинди.
Қайд этилишича, тиббий текширувлар натижасида Ругани COVID-19 коронавирусига чалингани аниқланган. Клуб футболчини карантинга олиб, даволашни бошлаган. Футболчи билан яқин алоқада бўлган клубнинг бошқа аъзолари ҳам алоҳида рўйхатга олинган. Эҳтиёт чораси сифатида барча футболчилар тиббий назоратдан ўтказилади.
Сўнгги маълумотларга кўра, Италияда коронавирусдан касалланганлар сони 12 мингда минг нафардан ошган. 820 нафардан ортиқ киши вафот этган. Мамлакатда барча оммавий тадбирлар, шу жумладан, футбол ўйинлари ҳам қолдирилган.
Ушбу касалликни дунёнинг машҳур инсонлари ҳам юқтириб олаётгани ҳақида хабарлар кўпаймоқда. Бироз аввалроқ америкалик киноактёр Том Хэнкс ва унинг рафиқаси Рита Уилсон коронавирус билан касаллангани ҳақида хабар берилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter