Рибери футбол ўйнаётганида уйини ўғри уриб кетди
«Фиорентина»нинг франциялик яримҳимоячиси Франк Риберининг Флоренциядаги уйига ўғри тушди. Номаълум шахслар уйига «тушганида» Рибери Пармага кетган, шу номдаги клубга қарши тўп сураётганди.
Флоренцияликлар Пармадан 2:1 ҳисобидаги ғалаба билан қайтишди.
Уйига келган Риберининг ғалаба кайфиятидан асар ҳам қолмади: қимматбаҳо буюмлар ва айрим бошқа нарсалар йўқолганди. Етказилган моддий зарарнинг аниқ қиймати очиқланмаган.
Рибери 2019 йил ёзидан бери «бинафшалар» шарафини ҳимоя қилиб қиляпти. 37 ёшли француз шу пайтгача Италия «А» сериясида 15 ўйин ўтказиб, учта гол урган, иккита голга ассистентлик қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter