Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

ОАВ: Месси «Барселона»ни соғинмоқда ва қайтишни ўйлаяпти

ОАВ: Месси «Барселона»ни соғинмоқда ва қайтишни ўйлаяпти

«ПСЖ» ҳужумчиси Лионел Месси «Барселона»га қайтиш имконияти ҳақида жиддий ўйламоқда. Бу ҳақда «FootMercato» портали хабар бермоқда.

Манбанинг қайд этишича, парижликлар бош мураббийи Кристоф Галтье Мессидан жамоада қолишни кутмоқда. У клуб футболчи билан янги шартнома борасида келишиб олишига умид қилади.

«Мессининг келажаги ҳақида гапиришга ҳали эрта. У ҳам, раҳбарият ҳам, президент ҳам ўзаро кўп мулоқот қилишади. Aгар у қолса ҳамма учун яхши янгилик бўлишини айтгандим. Биламан, Месси «Бавария»га қарши ўйинлардан сўнг кўп танқидларга учради, бироқ Лео мавсумнинг кўп дақиқаларида ҳал қилувчи рол ўйнади», деди Галтье журналистларга.

Манбанинг таъкидлашича, Мессининг ўзи «Барселона»ни соғиниб, тезроқ у ерга келишга ҳаракат қилади, «ПСЖ» ичидаги вазият эса ноқулай.

«Барселона» ҳам собиқ юлдузини қайтариб олмоқчи. Футболчининг отаси ва агенти Хорхе Месси Каталония клуби президенти Жоан Лапорта билан доимий алоқада, футболчининг ўзи эса Хави билан мунтазам мулоқот қилиб туради. Хави журналистлар билан суҳбатда Месси учун «эшиклар доимо очиқ» эканлигини таъкидлаган.

Бироқ, Леонинг «Барса»га қайтиши эҳтимоли клубнинг молиявий муаммолари ва Испания ҳакамлар қўмитасининг собиқ раҳбари Энрике Негреира билан боғлиқ коррупцион можаро текширув фонида мураккаблашмоқда.

Аввалроқ Месси катта сумма эвазига Саудия Арабистонига ўтиши мумкинлиги хабар берилганди. 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг