Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Жаҳон чемпионати анонси. Кейн кучлими, Лукаку?

Жаҳон чемпионати анонси. Кейн кучлими, Лукаку?

Фото: «Sports.ru»

Россияда жаҳон чемпионати–2018 ўйинлари давом этади. Бугун, 28 июнь кунига тўртта ўйин режалаштирилган — «G» ва «H» гуруҳи аъзолари ўзаро тўқнаш келадилар.

Тошкент вақти билан 19:00да Волгоград шаҳрида Япония ва Польша терма жамоалари ўзаро куч синашади. Худди шу вақтда «Самара арена»да Сенегал ва Колумбия терма жамоалари ҳам ким кучли эканига ойдинлик киритади. Гуруҳдаги сўнгги тур учрашувлари ҳам анча қизиқарли кечиши аниқ: мусобақани биргина Польша расман тарк этган. Қолган жамоаларда имконият деярли тенг — ким ғалаба қозонса, кейинги босқичда шу жамоа ўйнайди.

Фото: «FIFA.COM»

Гуруҳ босқичини якунлаб берадиган «G» учрашувлари эса Тошкент вақти билан 23:00га белгиланган.

Калининградда бир вақтнинг ўзида Англия - Бельгия ҳамда Панама-Тунис терма жамоалари куч синашади. Бу ўйинларга фаворит ҳамда аутсайдерларнинг ўзаро беллашуви, дея таъриф бериш ҳам мумкин. Зеро, бу ўйинлар деярли аҳамиятсиз: омадлилар ҳам, омадсизлар ҳам маълум. Биргина интрига — гуруҳда ким биринчи, ким иккинчи ўринни эгаллаши ва мусобақа голурарлари — Кейн ҳамда Лукакунинг қайси бири кўпроқ гол ура олишини кузатишдан иборат.

Фото: «FIFA.COM»

Учрашувлар билан боғлиқ барча маълумотларни «Xabar.uz»да кузатиб боришингиз мумкин.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг