Икки карра жаҳон чемпиони коронавирусдан вафот этди
Шоссе-айланма мотопойга (MotoGP) бўйича икки карра жаҳон чемпиони Фаусто Грезини коронавирус туфайли ҳаётдан кўз юмди. Бу ҳақда Gresini Racing жамоасининг Twitter-аккаунтида хабар берилган.
Грезини ўлими 23 февраль куни маълум бўлди. Италиялик собиқ пойгачи ушбу касалликка қарши қарийб икки ой курашган. У 60 ёшда оламдан ўтди.
Фаусто Грезини 1983 йилдан 1994 йилгача пойгада қатнашган. Garelli жамоаси сафида 1985 ва 1987 йилларда жаҳон чемпионига айланган.
1997 йилда собиқ пойгачи «Gresini Racing» жамоасига асос солган ва уни 2021 йил февралгача бошқарди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter