Бу сизга «ГазМяс» эмас. Футболчиларини шапалоқ билан сийлаган мураббий кечирим сўради (видео)
Туркияда футболчиларни «тарбиялаш»нинг ўзига хос усули тасвирга олинган видео тарқаб кетди. Унда «Кайсери Мейсуспор» жамоаси бош мураббийи Халит Курт кийим алмаштириш хонасида футболчиларнинг юзига шапалоқ тушираётгани акс этган.
Мураббий кириб келиб, футболчиларни бир бошдан уриб чиқади. Қизиғи, бошини қуйи солиб олган футболчилардан биронтаси қаршилик кўрсатмаган. «Бир круг» айланиб чиққанидан кейин, Халит Курт қолган кучини бақиришга сарфлаган.
Ана шу видео интернетга қўйиб юборилди. Курт энди қилмиши учун кечирим сўрашга мажбур бўлди.
«Жамоа ўйинни ёки совринни ютишни истаганида бунақаси бўлиб туради. Биз Алекс Фергюссон ва Дэвид Бекҳэм воқеасини биламиз, Фотиҳ Терим ҳам вақти-вақти билан шундай қилиб туради дейишади. Мен кечирим сўрамоқчиман, аммо урганим учун эмас, ўйинчиларимни лаънатлаганим учун», — деди Халит Курт.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter