Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

90-дақиқада пенальти. Мухлислар ҳакамдан ўч олишди

90-дақиқада пенальти. Мухлислар ҳакамдан ўч олишди

Суперлига 5-тури доирасидаги дастлабки ва марказий учрашув Наманганда ўтиб, мезбонларнинг аламли мағлубияти билан якунланди.

Қизиқарли кечган учрашувнинг 41-дақиқасида Черан чиройли гол билан ҳисобни очган бўлса, 71-дақиқада Соловьев – Голбан – Ғофуровнинг комбинациясини Исоқжонов гол билан якунлади – 1:1.

Ўйиннинг кульминацион воқеаси 90-дақиқада юз берди. Учрашув бош ҳаками VAR орқали «Навбаҳор» дарвозасига пенальти белгилашга қарор қилди. Нуқтага яқинлашган Черан дублини расмийлаштириб, «Пахтакор»га мавсумдаги кетма-кет 5-ғалабани келтирди.

Ўйиндан сўнг наманганлик мухлислар ҳакамлардан норози эканликларини билдиришди. Тасвирга олинган видеода «Навбаҳор» дарвозасига пенальти белгилаган ҳакамга стадионга келган мухлислар ўйин тугагач, турли хил чиқиндиларни отишгани акс этган.

Суперлига. 5-тур

7 апрель (чоршанба)

«Навбаҳор» - «Пахтакор» - 1:2

Ҳакам: Фирдавс Норсафаров (Қарши)

Голлар: Исломбек Исоқжонов, 71 - Драган Черан 41, 90 пенальтидан.

«Навбаҳор»: 1.Ўткир Юсупов, 7.Азимжон Аҳмедов, 9.Иван Соловьёв, 10.Қувондиқ Рўзиев, 11.Исломбек Исоқжонов, 17.Эҳсони Панжшанбе (28.Никола Тасич, 71), 19.Мирзоҳид Ғофуров, 22. Игорь Голбан, 24. Даврон Ҳошимов, 67.Марко Путинчанин, 88. Славиша Стоянович (70. Аббос Ғуломов, 58).

«Пахтакор»: 35.Санжар Қувватов, 5.Анзур Исмоилов, 6.Иброҳимхалил Йўлдошев, 7.Сардор Рашидов, 8.Азизбек Турғунбоев (18.Ҳожимат Эркинов, 46), 10.Драган Черан, 19.Шароф Муҳиддинов (14.Ҳумоюнмирзо Иминов,72), 21.Аброрбек Исмоилов, 23.Шерзод Аъзамов, 27.Сардор Собирхўжаев, 34.Фаррух Сайфиев.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг