Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Туркия Ташқи ишлар вазирлиги делегацияси Ўзбекистонга келди

Туркия Ташқи ишлар вазирлиги делегацияси Ўзбекистонга келди

Бугун, 26 октябрь куни Ўзбекистон Ташқи ишлар вазирлигида Тошкент шаҳрига келган Туркия Ташқи ишлар вазирлигининг Шарқий Европа, Кавказ ва Марказий Осиё мамлакатлари билан икки томонлама муносабатлар бош бошқармаси бошлиғи Шефик Вурал Алтай бошчилигидаги делегацияси қабул қилинди.

Учрашувда Президент Шавкат Мирзиёевнинг 2017 йил октябрь ойида Туркияга ва Президент Режеп Таййип Эрдўғоннинг жорий йил апрель-май ойларида Ўзбекистонга қилган давлат ташрифлари чоғида ҳамда кейинги олий даражадаги икки томонлама алоқаларда эришилган келишувларни амалга ошириш масалалари муҳокама қилинди.

Суҳбат чоғида бўлажак қўшма тадбирларнинг жадвали ва кун тартиби ҳам муҳокама қилинди.

Музокараларда савдо-иқтисодий, инвестиция ва транспорт-коммуникация соҳаларида биргаликда ўзаро манфаатли ҳамкорликнинг ижобий тажрибаси тўпланганлиги эътироф этилиб, мазкур соҳалардаги икки давлат алоқаларига алоҳида эътибор қаратилди.

Жумладан, ўзаро товар айланмасининг динамик ўсиб бораётгани, 2018 йилнинг январь-сентябрь ойларида бу кўрсаткич 1,52 млрд. АҚШ долларидан ошгани, бу эса ўтган йилнинг шу даврига нисбатан 40%га кўпроқ натижа экани мамнуният билан қайд этилди. Шу билан бирга ушбу йўналишлардаги ҳамкорликни ошириш учун заҳира ва янги имкониятлар мавжудлиги тасдиқланди.

Тадбирда қўшма маданий-гуманитар лойиҳаларни амалга ошириш борасида фикр алмашилди.

Учрашувда халқаро ва минтақавий масалалар, жумладан, Афғонистондаги тинчлик жараёнининг истиқболлари ҳам кўриб чиқилди.

Шу куннинг ўзида Ўзбекистон – Туркия вазирликлараро сиёсий маслаҳатлашувларининг навбатдаги раунди бўлиб ўтди.

Музокараларда Туркия Элчиси Аҳмет Башар Шен иштирок этди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг