Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тошкентнинг қоқ марказида «қизил байроқ» кўтарилди

Тошкентнинг қоқ марказида «қизил байроқ» кўтарилди

Куни кеча Тошкент шаҳри марказида ташкил этилган концерт дастурида йиғилганлар томонидан СССР байроғи кўтарилгани ижтимоий тармоқларда кескин эътирозларни келтириб чиқарди.

Карантин қоидаларини четлаб ўтган бу оммавий тадбирда кўтарилган «қизил байроқ» фотосининг «Россотрудничество» ташкилоти томонидан ўзининг расмий саҳифасида эълон қилиниши хавотирларни янада кучайтирди.

Ҳолатга Ўзбекистон «Миллий тикланиш» демократик партияси раҳбари Алишер Қодиров «ғаразли провакация» деб баҳо берди.

«Биз санъатга қарши эмасмиз, санъатни сиёсатга қурол қилинишига қаршимиз.

Тараққийпарвар ўзбек зиёлилари ва оқкўнгил аждодларимизнинг қонига бўялган босқинчи совет давлати байроғини мамлакатимиз пойтахтининг қоқ марказида баланд кўтарилишини ўзбек халқига нисбатан ҳақорат деб ҳисоблаймиз.

Бош Прокуратурадан бу провокацияга тегишли баҳо берилишини кутиб қоламиз», дейди депутат.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг