Президент фаол депутатларни эътироф этди — «Бизга муҳолифат керак!»
Ўзбекистон Республикаси Президенти Шавкат Мирзиёев Олий Мажлис қонунчилик палатасига қилган мурожаати давомида фаол депутатларни эътироф этиб ўтди. Бу ҳақда Xabar.uz мухбири маълум қилди.
«Муҳолифат ўзимизда етишиб чиқмоқда. Бу тўғри! Мухолифат ичимиздан чиқиши лозим. Бу шунчаки оппозиция эмас, бу — Ватанпарварлик!
Мана, Расул Кушербаев кўпчиликка ёқмайди, аммо менга ёқади. Бу гапларим ижро ҳокимиятидаги кўпчиликка ёқмаяпти, кўриб турибман. Уларнинг ранги ўзгаряпти, қўрқаяпти. Майли, қўрқаверинглар. Аммо мен қўрқмайман! Бизга шундай депутатлар керак!
Бир нарсани тўғри тушунайлик — биз бирга ишлашни ўрганишимиз шарт. Ҳозир бир фикр пайдо бўлган — гўёки танқид қилинган одам ишдан кетади. Ҳеч ким кетмайди ишдан. Хато қилмайдиган одам бор эканми? Ўша хатолардан тўғри хулоса чиқаришни ўрганиш лозим.
Бизга Парламент назорати керак», — деди Шавкат Мирзиёев.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter