Гулнора Каримовага қарши санкциялар узайтирилди
АҚШ президенти Дональд Трамп 2017 йил декабридаги 13818-фармонни узайтирди. Санкцияларга турли мамлакатлардан 13 нафар шахс киритилган. Улар орасида Гулнора Каримова ҳам бор.
Шунингдек, Россия бош прокурорининг ўғли Артём Чайка, Украинанинг «Беркут» махсус бўлинмаси собиқ қўмондони Сергей Кусюк ҳамда Сербия, Хитой, Никарагуа, Жанубий Судан ва Покистон фуқаролари ҳам ушбу рўйхатдан жой олган.
АҚШ томони фикрига кўра, Гулнора Каримова «бизнес экспроприацияси, бозорларнинг монополизацияси, поралар талаб қилиш ва рэкет учун давлат ресурсларини ишлатган қудратли уюшган жиноий бирлашмага» раҳбарлик қилган.
Санкциялар АҚШ юрисдикциясида бўлган барча активларни блоклаш, шунингдек, америкалик фуқароларга санкциялар рўйхатига киритилган шахс ёки ташкилот билан ҳар қандай битимга боришни тақиқлашни назарда тутади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter