Хабарлар тезкор Телеграм каналимизда Обуна бўлиш ×

«Йўқотилган» 17 мингта ҳамён. Қанчаси қайтарилди?

«Йўқотилган» 17 мингта ҳамён. Қанчаси қайтарилди?

«Йўқотилган» ҳамёнлар ва ичидаги нарсалари.

Фото: «Life»

Кўчадан ҳамён топиб олсангиз нима қиласиз? Бир томонда — пулнинг кучи, иккинчи томонда — ҳалоллик. Мана шу таъсирларни ўрганиш учун бир гуруҳ тадқиқотчилар 40 мамлакатнинг 355 шаҳрида 17 303 та ҳамённи «йўқотиб» қўйишди.

Ҳамёнларнинг айримлари қуп-қуруқ, бошқа бирларига эса мамлакатлардаги ўртача даромадга қараб маҳаллий валютада 13—94 АҚШ долларидан солиб қўйилди. Яна бирларида калит бор эди. Барча ҳамёнларни бирлаштириб турган нарса — ташриф қоғози ва ўша давлат тилидаги маҳсулотлар рўйхати эди. Кейин маълум бўлишича, йўқотилган ҳамённинг қайтарилиш-қайтарилмаслигига унинг ичидаги нарсалар ҳам таъсирини ўтказаркан.

Фуқароларнинг ҳалоллик кўрсаткичи (инфографика)

Тадқиқот натижалари.

Кўриниб турибдики, аксарият ҳолларда ҳамёнлар қайтариб берилган. Бироқ бу ўзига тўқ, жамият юқори тараққий этган, турли-туман рейтингларнинг тепасида кўравериб кўзимиз пишиб кетган мамлакатларда: Швейцария, Норвегия, Нидерландия, Дания, Швеция,... Ҳолбуки, бу 40 талик рўйхатга чакана мамлакатлар киритилмаган. Умуман олганда, мамлакатлар кесимида фуқароларнинг ҳалоллик кўрсаткичи 14 фоиздан 76 фоизгачани ташкил этган.

Бир эътиборли жиҳат: ичига калит солиб қўйилган ҳамёнлар энг кўп қайтарилган, тадқиқотда қатнашганларнинг фикрича, ҳамён эгаси учун калит пулдан ҳам муҳим.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг