Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Япония аҳолиси бепул вакцинация қилинади

Япония аҳолиси бепул вакцинация қилинади

Фото: CGTN

Япония парламентининг юқори палатаси амалдаги қонунга ўзгартиришлар киритилишини бир овоздан тасдиқлади, унга кўра, мамлакатнинг жами аҳолиси COVID-19га қарши бепул вакцина олиш ҳуқуқига эга бўлди. Бу ҳақда Япония вазирлар маҳкамаси бош котиби Кацунобу Катога асосланиб «Kyodo» агентлиги хабар берди.

Япония аҳолиси — 126,5 миллион киши. 

Катонинг билдиришича, ҳукуматга келгуси йилнинг ўрталарига қадар жами аҳолига етадиган миқдорда вакциналар тайёрлаш вазифаси юклатилган. Вакцина учун барча харажатларни ҳукумат ўз зиммасига олмоқда. Вакцина ножўя таъсир кўрсатганда товон пулини тўлашга ҳам ҳукумат масъул.

Япония ҳукумати вакцина келтириш учун «AstraZeneca» (Британия-Швеция) компанияси, АҚШнинг «Pfizer» ҳамда «Moderna» компаниялари билан шартномалар имзолаган. Япониянинг ўзида ҳам бир неча хил вакцина устида изланишлар давом эттириляпти.

Юқоридаги компанияларнинг вакциналари қанча туриши ушбу инфографикада кўрсатилган. 

Маълумот учун: Японияда шу кунгача коронавирусга чалинишлар сони 151,7 минг нафарга, касалликдан вафот этганлар сони 2 206 кишига етган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг