Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Тошкентда фавқулодда ҳолат жорий этиш таклиф қилинди

Тошкентда фавқулодда ҳолат жорий этиш таклиф қилинди

Фото:«Xabar.uz»

Коронавирус инфекциясидан касалланишнинг янада кўпайишини олдини олиш мақсадида «Юксалиш» умуммиллий ҳаракати томонидан карантин режимини кучайтириш таклиф этди.

Хусусан:

- Тошкент шаҳри ва Тошкент вилоятида фавқулодда ҳолат жорий этиш;

- Карантин шартларига риоя этилиши устидан лозим даражадаги назорат олиб бориш учун армияни қисман сафарбар этиш;

- Бутун республика ҳудудида темир йўл, ҳаво йўллари, автомобил транспорти орқали йўловчиларнинг шаҳарлар ва туманлараро ҳаракатланишини чеклаш;

- Жойларда, айниқса мамлакатнинг чекка ҳудудларида кўчма пунктлар ва лабораториялар ташкил этиш ва уларни коронавирусни аниқловчи экспресс-тестлар билан таъминлаш;

- Covid-19 вирусини аниқлашга мўлжалланган экспресс-тестларнинг импорти ва реализацияси билан шуғулланувчи хусусий секторни давлат томонидан қўллаб қувватлаш;

- Эпидемияга қарши тадбирларни амалга ошириш, жумладан барча муассаса ва ташкилотлар, жамоат жойлари (транспорт, дам олиш жойлари,савдо марказлари,бозорлар,ёнилғи қуйиш шаҳобчалари, кўп қаватли биноларнинг кириш жойлари) биноларини бепул дезинфекция қилиш;

- Алоҳида корхона ва ташкилотларни зарур бўлган маҳсулот ишлаб чиқаришга йўналтириш, масалан, шахсий ҳимоя воситалари( тиббий ниқоб, респиратор ва б.), антисептик воситалар, препарат ва ускуналар (сунъий нафас олдириш аппаратлари);

Масофавий хизмат кўрсатиш тизимини, шу жумладан ҳудудларда зарур тиббий дорилар ва воситалар, озиқ-овқат ва бошқа зарурий маҳсулотларни етказиб бериш хизматларини кенгайтириш.

Эслатиб ўтамиз, 24 мартдан бошлаб Тошкент шаҳридан кириб-чиқишга чеклов қўйилди. 

 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг