Хабарлар тезкор Телеграм каналимизда Обуна бўлиш ×

Тошкент марказидаги бинодан журналистлар чиқариб юборилиши мумкин

Тошкент марказидаги бинодан журналистлар чиқариб юборилиши мумкин

Фото: «Xabar.uz»

Тошкент шаҳри марказидаги «Матбуот уйи» биноси яна сотувга қўйилди. E-ijro auksion очиқ аукционда бу биносининг сотуви ҳақида яна эълон берилди. Бу ҳақда ЎзА хабар бермоқда.

Қайд этилишича, Матбуотчилар кўчаси 32-уйнинг майдони 9.890 кв.м бўлган 7 қаватдан иборат бинонинг 3,4,5,6,7 қаватлари ва чордоқ қисми Иқтисодий суднинг ижро ҳужжатига асосан сотувга қўйилган.

18 750 000 000.00 сўм билан савдога қўйилган мазкур бинода асосан матбуот вакиллари, яъни бир нечта газета ва журналлар таҳририятлари жойлашган.

Эслатиб ўтамиз, ўтган йили ҳам «Матбуот уйи» биноси очиқ аукционга қўйилган эди. Бироқ маълум вақт ўтгач, Тошкент шаҳар ҳокимияти мазкур иш ҳужжатлари қайта кўриб чиқилганини маълум қилиб, муаммони ижобий ҳал этганди.

Яъни, жамоатчиликнинг фаол қаршилиги ва мутасаддиларнинг мавжуд муаммоли масалага ечим топиши оқибатида бино кредит гаров таъминоти сифатида бекор қилинган ва «Матбуотчилар уйи» журналистларда, яъни аввалгидек, Тошкент шаҳар ҳокимияти тасарруфида (балансида) қолганди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг