Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Толибон» билан бўлиб ўтган учрашув ҳақида расмий ахборот берилди

«Толибон» билан бўлиб ўтган учрашув ҳақида расмий ахборот берилди

Ўзбекистон Республикаси ташқи ишлар вазирлиги.

Фото: Maslahat.uz

Бироз вақт муқаддам «Толибон» ҳаракати вакиллари Тошкентга етиб келгани ҳақида хабар берилган эди.

2019 йилнинг 8 август куни Ўзбекистон Республикаси Ташқи ишлар вазирлигида «Толибон» ҳаракатининг Доҳа шаҳридаги сиёсий офиси раҳбари мулла Бародар Ахунд бошчилигидаги Ҳаракат вакиллари билан учрашув бўлиб ўтди. Бу ҳақда Ташқи ишлар вазирлиги матбуот хизмати маълумот берилди.

Учрашув чоғида Афғонистонда барқарор ва узоқ муддатли тинчликка эришиш мақсадида мамлакатда тинч сиёсий жараёнларни илгари суриш билан боғлиқ масалалар муҳокама қилинди.

Мулла Бародар Ўзбекистон раҳбариятига Афғонистонга доимий эътибор қаратаётгани учун самимий миннатдорчилик билдирди ва Ўзбекистон саъй-ҳаракатлари туфайли Афғонистон муаммоси яна жаҳон ҳамжамияти диққат марказига тушганини алоҳида қайд этди.

«Толибон» ҳаракатининг сиёсий офиси раҳбари афғонлараро мулоқотнинг навбатдаги раундини Самарқанд шаҳрида ўтказиш тўғрисидаги таклифни қўллаб-қувватлади. Мазкур тадбирнинг Афғонистондаги ҳозирги реал вазият нуқтаи назаридан ўз вақтида ташкиллаштирилаётгани ва долзарблиги қайд этилди ва Ўзбекистон томонининг мазкур учрашувни ўтказиш учун зарур шароитлар яратиб беришга тайёрлиги учун миннатдорлик изҳор этди.

Музокаралар чоғида афғон халқининг ўз тақдирини ўзи ҳал қилиши ва ўз келажагини қуриш ҳуқуқи яна бир бор таъкидланди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг