Шавкат Мирзиёев шахсга доир маълумотлар тўғрисидаги қонунни имзолади
Президент Шавкат Мирзиёев шахсга доир маълумотлар тўғрисидаги қонунни имзолади. Бу ҳақда Адлия вазирлигининг «Ҳуқуқий ахборот» каналида хабар берилди.
Қонунга мувофиқ, шахсга доир маълумотлар жисмоний шахсга тааллуқли бўлган ёки уни идентификация қилиш имконини берадиган, электрон тарзда, қоғозда ва (ёки) бошқа моддий жисмда қайд этилган ахборот ҳисобланади.
Қонун билан Ҳукумат ҳузуридаги Давлат персоналлаштириш маркази шахсга доир маълумотлар соҳасидаги ваколатли давлат органи этиб белгиланди.
Шахсга доир маълумотлар давлат бошқаруви органларига бепул берилади.
Шахсга доир маълумотлар базалари давлат реестрида рўйхатдан ўтказилиши лозим.
Давлат шахсга доир маълумотларнинг ҳимоя қилинишини кафолатлайди.
Жисмоний шахснинг розилигисиз ёки бошқа қонуний асос мавжуд бўлмагани ҳолда шахсга доир маълумотларни ошкор этиш ва тарқатишга йўл қўйилмайди.
Қонун 2019 йил 1 октябрдан кучга киради.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter