Россия «Microsoft»га тегишли IP-манзилларни блоклашга ўтди
«Роскомнадзор» «Microsoft»га тегишли «Azure» булутли хостингидаги бир неча ўн минг IP-манзилларни тақиқланган сайтлар реестрига киритди, деб хабар беради «NV.ua».
«Роскомнадзор» 131 мингта IP-манзил ўрин олган 51.136.0.0/15 тармоғини блоклашни буюрди. IP-манзилларнинг расмий рўйхатидада «Azure» дата маркази — 51.136.0.0/17 ҳам ўрин олган («Роскомнадзор» томонидан блокланган диапазонга кирувчи 32 минг манзил). Реестрга киритилган қолган манзиллар ҳам «Microsoft»га тегишли.
«Azure» платформасидан маълумотларни сақлаш, онлайн-лойиҳалар ва дастурий таъминот билан ишлаш алгоритмларида қўлланилади.
Эслатиб ўтамиз, «Роскомнадзор» «Telegram» мессенжерини блоклашга уриниши ортидан Россиядаги кўплаб сайтларни ишдан чиқариб қўймоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter