Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Қоҳирадаги портлашда ҳалок бўлганлар сони 17 кишига етди

Қоҳирадаги портлашда ҳалок бўлганлар сони 17 кишига етди

Фото: «Fakty.com.ua»

Миср пойтахтидаги портлаш оқибатида ҳалок бўлганлар сони 17 кишига етди, 32 нафар одам турли даражада жароҳат олган, деб хабар берди «РИА Новости».

Полициянинг маълум қилишича, портлаш ЙТҲ натижасида содир бўлган. Дастлабки маълумотларга кўра, Маньял туманининг қирғоқ бўйидаги шоссесида катта тезликда келаётган автомобиль қарама-қарши йўлакка чиқиб кетган ва бошқа машина билан қаттиқ тўқнашган.

Автоҳалокатдан сўнг кучли портлаш юз берган. Ҳуқуқ-тартибот органлари ходимларининг фикрича, машиналар тўқнашгач кислород баллони портлаб кетган.

Янада ачинарлиси, портлаш ҳалокат содир бўлган жойдан бир неча ўн метр узоқликда жойлашган Миллий саратон институти биносига ҳам зарар етган. Воқеа оқибатида тиббиёт муассасасидан ўнлаб беморлар эвакуация қилинган.

Портлаш содир бўлган жойда келиб чиққан ёнғин айни вақтда ўчирилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг