Хабарлар тезкор Телеграм каналимизда Обуна бўлиш ×

Марҳумга қўшиб кўмилаётган қадрият: Жак Ширакнинг тобути рўпарасида селфи тушишди

Марҳумга қўшиб кўмилаётган қадрият: Жак Ширакнинг тобути рўпарасида селфи тушишди

Фото: «Twitter»

Франциянинг собиқ президенти, марҳум Жак Ширакни сўнгги йўлга кузатиш учун келган айримларнинг хатти-ҳаракатлари ижтимоий тармоқлар фойдаланувчиларининг ғазабини келтирмоқда: улар тобутдан узоқлашмай ҳам туриб смартфонларида селфи суратлар олишган.

Бир томондан селфи тушганлар, иккинчи томондан уларни пинагини ҳам бузмай томоша қилиб турган ҳуқуқ посбонлари жамоатчиликнинг ғазабини келтирди.

«Одамлар Ногиронлар уйига тобут билан селфи тушиш учун келишибди. Қўрқинчли» — BFM TV юзерлардан биридан шундай иқтибос келтирмоқда.

«Нега бу тақиқланмаган? Улар ўзларининг севимли кишилари тобутда ётишса ҳам шу ишни қилишармиди? Кўнглим беҳузур бўлиб кетяпти», — дейди бошқа бир фойдаланувчи.

Эслатиб ўтамиз, Жак Ширак 26 сентябрь куни 86 ёшида оламдан ўтган эди. У Франция президенти сифатида 1995 йилнинг 17 майидан 2007 йилнинг 16 майига қадар фаолият юритган. Кеча, 29 сентябрь куни француз халқи учун Ногиронлар уйида собиқ давлат раҳбарини сўнгги йўлга кузатиш маросими ўтказилганди. Бугун эса ушбу маросимда қатнашиш учун кўплаб давлат раҳбарлари, сиёсатчилар Парижга етиб боришган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг