Хабарлар тезкор Телеграм каналимизда Обуна бўлиш ×

Италияда ўзбек киноси кунлари бўлиб ўтади

Италияда ўзбек киноси кунлари бўлиб ўтади

Фото:«Ўзбеккино»

Бугун «Ўзбеккино» МАда Италиянинг Ўзбекистондаги Фавқулодда ва мухтор элчиси Агостина Пинна билан учрашув ташкил этилди. Мазкур учрашувда Агентлик Бош директори Фирдавс Абдухолиқов Агостина Пинна билан Италия ва ўзбек фильмлари бўйича бир қатор лойиҳаларни муҳокама қилишди.

Келишувга кўра томонлар ўзбек ва италиялик киноижодкорлар билан ўзаро ҳамкорликни йўлга қўйиш, ко-продукциялар яратиш, шу билан бирга, Италияда «Ўзбек киноси кунлари» ҳамда жорий йил мамлакатимизда «Италия киноси кунлари»ни юқори савияда ўтказиш билан боғлиқ масалалар бўйича музокаралар ўтказишди.

Фото:«Ўзбеккино»

Бундан ташқари, жорий йил Италияда «Ўзбек маданий мероси Италия тўпламларида» китобининг тақдимотини ўтказиш ҳамда Ўзбекистон маданий меросини ўрганиш, сақлаш ва оммалаштириш Бутунжаҳон жамияти томонидан европалик олимлар иштирокида халқаро конгресс ташкил этиш каби масалалар ҳам кўриб чиқилди.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг