Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

«Huawei» компанияси Европа мамлакатини 5G-тармоқ билан тўлиқ қоплади

«Huawei» компанияси Европа мамлакатини 5G-тармоқ билан тўлиқ қоплади

Фото: «France 24»

Хитой технология гиганти — «Huawei» компанияси Франция жанубидаги митти давлат — Монакони бешинчи авлод мобил алоқа (5G) тармоғи билан тўлиқ қоплади.

«5Gнинг жаҳон премьераси: «Monaco Telecom» — 5G билан бутун мамлакатни қоплаган илк оператор! Интернет тезлиги — 1,4 Гбит/сониягача», — «Monaco Telecom» эгаси Ксавьер Нил ўзига хос бу воқеани «Twitter»даги ана шу хабар билан нишонлади.

«Huawei» компанияси вице-президенти Го Пиннинг таъкидлашича, гарчи Монако ҳудуди жуда кичик (202 гектар) бўлгани билан, бу нишонлашга арзийдигулик муҳим воқеа. Монакодаги тажрибаси асосида компания бошқа мамлакатлар учун ҳам ана шу технологияни жорий этиш моделларини ишлаб чиқади.

Таъкидлаш ўринлики, «Huawei» бешинчи авлод тармоғини ривожлантиришда жуда фаоллашиб кетгани АҚШга ёқмаяпти ва афтидан, Хитой компанияси кириб борган жойда америкаликлар ишсиз қолиши ҳақиқатга ўхшаб турибди. Айрим экспертлар «Huawei»нинг АҚШ томонидан қаттиқ сиқувга олинишида бошқа сабаблар қатори 5G ҳам роль ўйнаган, деган фикрни илгари суришган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг