Дэнни Трехо ағдарилиб кетган машинадаги гўдакни қутқаришга ёрдамлашди
Америкалик актёр Дэнни Трехо Лос-Анжелесда ЙТҲ оқибатида ағдарилиб кетган машинадаги гўдакни чиқаришга ёрдамлашди. Бу ҳақда «abc7» телеканали хабар берди.
Актёр ағдарилган транспорт ичига бир томондан кириб, гўдакни ўриндиқда тутиб турган хавфсизлик камарини бўшатишга уринади, бироқ бунинг уддасидан чиқолмайди. Салонга қарама-қарши томондан кирган бошқа бир гувоҳ — аёл камарни тезда бўшатишга муваффақ бўлади.
«Мен гўдакни чиқаришга уриндим, лекин камарни бўшатолмадим. Бир аёл ичкарига кириб, камарни бўшатди, мен эса болани чиқариб олдим», — дейди Трехо.
Унинг айтишича, машинада боладан ташқари кекса аёл ҳам бўлган. Актёр ҳайдовчилардан бири қизил чироқда ўтиб кетганини ҳам қўшиб қўйди.
Лос-Анжелес ёнғин хавфсизлик хизматининг маълум қилишича, уч нафар инсон шифохонага етказилган, уларнинг ҳаёти хавф остида эмас.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter