Боланинг тамаки чекиши ҳамманинг ғазабини келтирди, ҳақиқатнинг тагига етганлар эса мулзам бўлиб қолишди (фото)
Туркиянинг «Бурсаспор» ва «Фенербахче» футбол клублари хайрия ўйинидан олинган видеолавҳа интернет фойдаланувчилари ўртасида кенг муҳокама мавзусига айланди.
Ҳаммани дарғазаб қилган ҳолат кутилмаганда бир юз-у саксон даражага ўзгариб кетди.
Видеороликда кўринишидан 10 ёшлар атрофидаги бола трибунада ўтирганича бамайлихотир тамаки тутатиб ўтирибди. Худди катта одам дейсиз. Айнан шу ҳолат одамларнинг жаҳлини чиқарди: Кимнинг боласи? Ота-онасининг кўзи қаёқда?..
«Тарбиясиз бола»нинг шахсини тезда аниқлай олишди. Билишди-ю тилларини тишлаб қолишди. «Болакай» — 36 ёшда экан! Футболга ҳам ўғли билан келган.
Албатта, бу билан у жавобгарликдан қочиб қутула олмайди, чунки Туркияда жамоат жойларида, жумладан, стадионларда ҳам тамаки чекиш тақиқланган.
Вазиятни билиб, хотиржам тортган интернет фойдаланувчилари сирли болага Бенжамин Баттон* деб ном қўйиб олишди.
* Бенжамин Баттон — шу номли асарнинг ғайритабиий равишда кекса бўлиб туғилиб, йиллар ўтгани сайин ёшариб борувчи қаҳрамони.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter